"Описание материала:

Берекелі Бейнеуім

Сабақтың тақырыбы: Берекелі Бейнеуім

Сабақтың мақсаты: Туған жеріміз Бейнеу ауданы туралы ақпарат беріп,оқушылардың туған өлкеге деген сүйіспеншілігін арттыру, елін,жерін сүйетін азамат етіп тәрбиелеу. Бейнеу Адайға сегізінші ұрпақ болып келеді. Бейнеу атамыз бекет Ата Мырзағұлұлымен тұстас өмір сүрген.

Отырған жері - ескі Бейнеу. Бес құдығы болыпты. Көшпелі ел жаз жайлауға кеткенде, қыстық жиһаздарын Бейнеу атамызға қалдырып кетіп отырған. Содан бері жеріміздің атауын бейнеу Намазұлының есімімен байланыстырады. 1973 жылы 20-наурыз Бейнеу ауданы құрылсын деген қаулы қабылданды.

Міне, содан бері бейнеу ауданы күннен күнге дамып, өркендеп келеді. Аудан аумағының жалпы көлемі 4051,9 мың га, облыс орталығынан қашықтығы 503 км. Бейнеу ауданы облыстың солтүстігінде орналасқан. Климаты тым континенттік.

Орташа температурасы қыста -20 градусқа, ал жазда +23,+30 градус ыстық болады. Жауын-шашын сирек жауады. Аудан жерінде су көздері жоқ. Бейнеудің өсімдіктер дүниесі жайылымдылық шөбінің өнімділігі ерте кезден зерттелген. Үстіртте сексеуіл,жыңғыл, баялыш, қоранғыл, адыраспан өседі.

Бейнеудің пайдалы қазбаларына тоқтала кетсек,Бейнеу жер қыртысының негізінен пермь,триас, бор дәуірі шөгінділерінің нәтижесінде пайда болған.