Бу татар теле дәресе презентациясе 3 нче сыйныфның татар төркеме өчен бирелә. “Синоним, антоним, омонимнарны гомумиләштереп кабатлау” дәресе презентациясенең максаты итеп, синоним, антоним, омонимнар буенча алган белемнәрне системага салуны, ныгытуны, укучыларның сөйләм телен үстерүне алдым. Шулай ук укучыларда бу дәрес презентациясе аша татар халык авыз иҗатының жанрларыннан булган мәкаль, табышмакларга кызыксыну уяна, сөйләмдә аларны дөрес куллану күнекмәләре булдырыла дип уйлыйм. Презентация ярдәмендә антоним, синоним һәм омонимнар буенча кагыйдәләр ныгытыла, мәкальләрнең мәгънәләре аңлатыла, табышмакларның җаваплары эзләтелә. Формасы: дәрес-сәяхәт Метод һәм алымнар: өлешчә эзләнү, сүзлек эше, әңгәмә, сорау-биремнәргә җаваплар эзләү, уен Җиһазлау: сәяхәт схемасы, индивидуаль карточкалар, интерактив такта, слайдлар